Áætlun Strætó raskaðist fyrr í dag vegna óveðurs sem geisar á landsvísu í dag. Allar ferðir voru felldar niður til og frá Reykjavík til Suðurnesja um tíma en nú er akstur hafinn að nýju. Sömuleiðis féllu ferðir á Vestur- og Norðurlandi niður í dag.
UPPFÆRT KL 14:40
— Strætó (@straetobs) January 4, 2020
Akranes - Mjódd fer á tíma kl 15:50 - 18:50 og 21:45
Mjódd - Akranes fer á tíma kl 17:30 - 20:00 - 23:00
Ef vind lægir við Hafnarfjall fer Borgarnesbíllinn kl 18:20 og 21:28 í Mjódd
Kjalarnesið var ófært vegna vindhættu og Reykjanesbrautin var lokuð um tíma en það útskýrir röskun á ferðum Strætó á þeim svæðum.
Enn er óráðið hvort Strætó muni geta keyrt yfir Hellisheiðina í dag.
Allt hefur gengið nokkurn veginn eftir áætlun á höfuðborgarsvæðinu, samkvæmt Guðmundi Heiðari Helgasyni, upplýsingafulltrúa Strætó.
„Það er búið að ganga fínt á höfuðborgarsvæðinu. Það þarf oft meira til svo höfuðborgarsvæðið fari úr skorðum hjá okkur.“
Hægt er að fylgjast með ferðum Strætó og breytingum á dagskrá í Stætó-appinu, á vefsíðu Strætó og á Twitter síðu Strætó.
Ferðin úr Firði 09:53 11:53 og 13:53 fellur niður vegna veðurs
— Strætó (@straetobs) January 4, 2020
Ferðin frá KEF kl 08:55 10:55 og 12:55 fellur niður vegna veðurs.
UPPFÆRT KL 14:05 :
Búið að opna Reykjanesbraut og seinnipartsferðir til og frá Firði/KEF AP verða vonandi á áætlun.