Auður opinberar kynlífsleyndarmál Seltirninga

Um nokkurt skeið hefur sú flökkusaga gengið á milli manna að öflugt makaskiptasamfélag sé til staðar á Seltjarnarnesi. Nú hefur rithöfundurinn Auður Jónsdóttir opinberað eitt best geymda leyndarmálið á Nesinu og segir frá hvernig hægt að vera með. 

Samkvæmt sögunni treysta Seltirningar hvorki spjallþráðum né hópum á samfélagsmiðlum. Er venjan sú að fólk mæti í Hagkaup og setji ananas í kerruna og gefi þannig merki. 

„Umhyggjusöm vinkona: Ef þú setur ananas í körfuna þína á ákveðnum tíma í Hagkaup úti á Nesi, þá gefurðu merki að þú sért til í makaskipta-partí. Það er víst svo mikið swing-að á Nesinu!“ skrifaði Auður á Twitter. 

Nú þegar leyndarmálið hefur verið opinberað er spurning hvort fólk sem stundar frjálsar ástir á Nesinu neyðist ekki til að skipta ananas út fyrir eitthvað annað í ávaxtaborðinu.