Morgunblaðið | 6.1.2020 | 11:39 | Uppfært 12:01

Þjóðvegi 1 líklega lokað í Suðursveit

Síðdegis er spáð vestan- og norðvestanhvelli austan Öræfajökuls og í Suðursveit og búast má við miklum byljum af fjöllum og hviðum allt að 40 til 50 m/s. Kort/Veðurstofa Íslands

Búist er við því að þjóðvegur 1 á milli Hnappavalla og Hala í Suðursveit verði lokað vegna óveðurs síðdegis í dag og er fólk beðið um að vera ekki á ferðinni á svæðinu.

Þetta kemur fram í tilkynningu frá Vegagerðinni. Þar segir að líklega verði lokað einhvern tíma á milli 15 og 20 en hugsanlega fyrr.

Frétt af mbl.is

Búist við hviðum allt að 40 til 50 m/s

Síðdegis er spáð vestan- og norðvestanhvelli austan Öræfajökuls og í Suðursveit og búast má við miklum byljum af fjöllum og hviðum allt að 40 til 50 m/s.