Morgunblaðið | 6.1.2020 | 5:30 | Uppfært 31.8.2020 10:32

Unnið að þróun snjallsímaforrits fyrir rafræna aflaskráningu

Nú verða stjórnendur skipa að skila inn rafrænni afladagbók. mbl.is/Sigurður Bogi

Í drögum að reglugerð um rafræna aflaskráningu, sem kynnt hefur verið á samráðsgátt stjórnvalda, segir að allar skráningar verði rafrænar, annaðhvort í rafrænni afladagbók eða með smáforriti.

Í kynningu á verkefninu segir að verið sé að vinna að þróun snjallsímaforrits til aflaskráningar. Stefnt sé að því að forritið verði tilbúið í byrjun árs 2020 og að öll skip, stór og smá, skrái afla með rafrænum hætti frá og með 1. september 2020. Afladagbók á pappírsformi muni því heyra sögunni til.

Meðal helstu breytinga sem reglugerðardrögin fela í sér er að upplýsingar í afladagbók munu ekki lengur njóta leyndar. Rökin fyrir því séu þau að nú sjáist á netinu hvar skip eru við veiðar og því sé núverandi leynd orðin ástæðulaus, að því er fram kemur í Morgunblaðinu í dag.