Morgunblaðið | 8.1.2020 | 9:18

Aðgerðum lokið í Hafnarfjarðarhöfn

Unnið að því að koma böndum á flutningaskipið í Hafnarfjarðarhöfn.

Unnið að því að koma böndum á flutningaskipið í Hafnarfjarðarhöfn. Ljósmynd/Landhelgisgæslan

Flutningaskipið sem slitnaði frá bryggju í Hafnarfirði er komið aftur að bryggju samkvæmt upplýsingum frá Landhelgisgæslunni. Aðgerðum er því lokið í Hafnarfjarðarhöfn.

Dráttarbátarnir Magni og Hamar drógu skipið að bryggju. Varðskipið Týr sigldi á móti dráttarbátnum Magna sem kom frá Reykjavík og skýldi vegna veðurs.

Um er að ræða fjögur þúsund tonna erlent flutningaskip. Skipstjóri skipsins hafði samband við stjórnstöð Landhelgisgæslunnar klukkan 5:30 og sagði skipið vera að reka upp í olíugarðinn. Varðskipið Týr var þegar í stað kallað út sem og dráttarbátar frá Hafnarfirði og Reykjavík.

[Fara efst á síðu]