Morgunblaðið | 8.1.2020 | 6:20 | Uppfært 7:38

Flutningaskip losnaði frá bryggju

Frá Hafnarfjarðarhöfn í morgun. mbl.is/RAX

Stórt flutningaskip losnaði frá bryggju í Hafnarfjarðarhöfn nú á sjötta tímanum og er unnið að því að koma því til aðstoðar samkvæmt upplýsingum frá Landhelgisgæslunni. Snarvitlaust veður er og vindáttin afar óhagstæð.

Frá Hafnarfjarðarhöfn í morgun. mbl.is/RAX

Um er að ræða fjögur þúsund tonna erlent flutningaskip. Skipstjóri skipsins hafði samband við stjórnstöð Landhelgisgæslunnar klukkan 5:30 og sagði skipið vera að reka upp í olíugarðinn. Varðskipið Týr var þegar í stað kallað út sem og dráttarbátar frá Hafnarfirði og Reykjavík. Þá hafa björgunarsveitir sömuleiðis verið kallaðar út. Unnið er að því að koma skipinu að bryggju á ný en stutt er í að Týr og dráttarbáturinn Magni komi á staðinn.