Morgunblaðið | 9.1.2020 | 20:30

Öxnadals- og Holtavörðuheiði opnaðar

Öxnadalsheiði hafði verið lokuð síðan snemma í gær. Kort/Vegagerðin

Þjóðvegur eitt um Holtavörðu- og Öxnadalsheiði hefur verið opnaður samkvæmt tilkynningu Vegagerðarinnar, sem varar við snjóþekju og skafrenningi.

Öxnadalsheiði hafði verið lokuð síðan snemma í gær, en greint hafði verið frá því að einkaaðili hefði fengið leyfi til þess að ryðja veginn með snjóblásara til að komast í flug. Í samtali við mbl.is sagði Sigurður Jónsson, verkstjóri Vegagerðarinnar á Akureyri, að mokstur gærdagsins hefði nýst Vegagerðinni vel.

Frétt af mbl.is

Fékk leyfi til að ryðja heiðina sjálfur

Vegirnir um Bröttubrekku, Laxárdalsheiði og Vatnaleið hafa einnig verið opnaðir, en enn er lokað um Vatnsskarð og Þverárfjall og er því enn ófært á milli Akureyrar og Reykjavíkur. Stefnt er að því að opna leiðina í fyrramálið.

Athugið: Stefnt er að því að opna frá Akureyri og suður á föstudagsmorgun, sama staða um Djúpveg frá Ísafirði. Á þessum leiðum hefst mokstur í nótt og mun opnun ráðast af umfangi moksturs. Skv. veðurspá nú ættu akstursskilyrði að vera ágæt frameftir degi á föstudag. #færðin
— Vegagerðin | Iceland Roads (@Vegagerdin) January 9, 2020