Flateyrarvegi og veginum um Súðavíkurhlíð hefur verið lokað vegna snjóflóðahættu. Einnig er lokað á milli Patreksfjarðar og Bíldudals, sem og á Þröskuldum og Steingrímsfjarðarheiði.
Þetta kemur fram í tilkynningu frá Vegagerðinni.
Allir fjallvegir á Suður- og Suðvesturlandi, sem lokað var í dag, eru nú opnir. Þá hefur Öxnadalsheiði fyrir norðan verið opnuð.
Á Norðausturlandi hafa Mývatns- og Möðrudalsöræfi verið opnuð.