Morgunblaðið | 13.1.2020 | 9:09 | Uppfært 10:37

Óvissustigið á við um örfá hús

Súðarvíkurhlíð suður. Ljósmynd/Vegagerðin.

Óvissustigið gagnvart snjóflóðahættu í byggð á norðanverðum Vestfjörðum á einungis við um örfá hús, aðallega fyrirtæki og einstaka íbúðahús sem standa stök og eru á þekktum svæðum.

Frétt af mbl.is

Ekkert ferðaveður fram á miðvikudag

„Það eru ekki nema örfá hús sem er verið að fylgjast sérstaklega með núna á þessu óvissustigi,“ segir Hlynur Hafberg Snorrason, yfirlögregluþjónn hjá lögreglunni á Vestfjörðum, spurður út í stöðu mála.

Þar að auki er fylgst með vegum sem eru undir hættulegum hlíðum, með tilliti til snjóflóðahættu, og eru lokanir á þeim stöðum.

Hlynur Hafberg segir fólk halda sig til hlés þegar mikið er um lokanir og bendir hann á að veðurspáin geri ráð fyrir hvössu veðri og úrkomu en spáð er skafrenningi seinna í dag og á morgun. Ekkert flugveður er fyrir vestan.

Vestfirðir: Beðið er með mokstur vegna veðurs á norðanverðum Vestfjörðum. Þæfingur er á vegum á sunnanverðum Vestfjarðar. #færðin
— Vegagerðin | Iceland Roads (@Vegagerdin) January 13, 2020