Morgunblaðið | 7.2.2020 | 13:40 | Uppfært 9.2.2020 20:45

Þorsteinn til starfa í ráðuneytinu

Þorsteinn Sigurðsson mun nú starfa sem sérfræðingur í ráðuneytinu. mbl.is/Eggert Jóhannesson

Þorsteinn Sigurðsson, fiskifræðingur og fyrrverandi sviðsstjóri uppsjávarsviðs á Hafrannsóknastofnun, hefur verið ráðinn sérfræðingur í sjávarútvegsráðuneytinu. Hann gerði starfslokasamning á Hafrannsóknastofnun í haust samhliða uppsögnum á tíu starfsmönnum stofnunarinnar.

Frétt af mbl.is

Ekki komið heiðarlega fram

Þorsteinn mun sinna ýmsum störfum í ráðuneytinu og meðal annars koma að verkefnum innanlands og alþjóðasamstarfi sem Ísland á aðild að. Hann kom sem starfsmaður Hafró að fræðilegu starfi á sviði fiskifræði innanlands og utan og að samningum um fiskveiðimál sem ráðgjafi stjórnvalda.

Þorsteinn er 55 ára líffræðingur frá Háskóla Íslands og fiskifræðingur frá Háskólanum í Bergen í Noregi.