Franska tískuhúsið Dior var stofnað í Frakklandi 1946. Tískuhúsið er þekkt fyrir hátískufatnað sinn og fylgihluti en það sem við venjulegu konurnar höfum efni á frá merkinu eru snyrtivörur, ilmir og húðvörur.
Nú er Dior á leið til landsins og mun snyrtivörulínan verða fáanleg hérlendis frá og með næstu mánaðamótum. Ein frægasta snyrtivara Dior frá upphafi er rauði varaliturinn sem er númer 999 og Jadore-ilmurinn. Hvort tveggja er eitthvað sem hver kona ætti að geta gripið í þegar mikið stendur til eða bara til þess að hressa upp á daufan hversdagsleika.
Línan er hönnuð af Peter Philips, Creative and Image Director hjá Dior Makeup.
Hann sækir innblásturinn í tónlistina, poppið og kúltúrinn í kringum tónlistarheiminn. Það sem einkennir línuna eru bleikar kinnar, glossaðar varir, ljómandi húð og bjartir litir sem poppa upp lúkkið. Einnig fylgja línunni naglalökk í björtum litum sem fullkomna heildarlúkkið. Fólk sem elskar glossaðar varir, bleikan lit og svolítið stuð ætti að geta fundið eitthvað við sitt hæfi.