Morgunblaðið | 27.3.2020 | 12:55

Sævar Helgi og Elín Björk í Kúltúr

Safnahús Kópavogs. mbl.is/Golli

Í Kúltúr klukkan 13 í dag, föstudaginn 27. mars, munu Sævar Helgi Bragason, jarðfræðingur og vísindamiðlari, og Elín Björk Jónasdóttir veðurfræðingur spjalla um loftslagsmál, loftgæðamál, veður og veirur á Náttúrufræðistofu Kópavogs.

Frétt af mbl.is

Menning heim í stofu með Kúltúr klukkan 13

„Hver er munurinn á loftslagsmálum og loftgæðamálum? Hvaða áhrif virðist yfirstandandi COVID-19-heimsfaraldur vera að hafa á loftslag og loftgæði um víða veröld og hver gæti sú þróun mögulega orðið til framtíðar litið?“ eru meðal þeirra spurninga sem Sævar og Elín munu leitast við að svara.

Sævar Helgi Bragason, jarðfræðingur og vísindamiðlari, og Elín Björk Jónsdóttir veðurfræðingur.

Þar sem Menningarhúsin í Kópavogi eru öll lokuð fyrir gestum og öllum viðburðum verið frestað þá var ákveðið að finna nýja leið til að færa Kópavogsbúum og allri þjóðinni ólíka menningarviðburði heim í stofu. Kúltúr klukkan 13 verður alla mánudaga, miðvikudaga og föstudaga og eru nú þegar 24 lista- og fræðimenn búnir að staðfesta þátttöku sína í þessu skemmtilega verkefni.

Stundin sendir út Kúltúr klukkan 13.

Stöndum saman

Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.

Stöndum saman