Ástralski leikarinn Liam Hemsworth segir að hreyfing hafi verið góð leið fyrir sig til að halda sér í jafnvægi og jafna sig á skilnaðinum. Hemsworth og tónlistarkonan Miley Cyrus hættu saman í byrjun ágúst í fyrra, en hann sótti um skilnað eftir að hún sást í faðmlögum með Kaitlynn Carter.
Skilnaðurinn er genginn í gegn og Hemsworth er kominn með nýja kærustu. Hann er í einu besta formi lífs síns um þessar mundir. Hann segir í viðtali við Men's Health að hann hafi æft mikið síðastliðna mánuði og það hafi hjálpað sér að halda sér í jafnvægi.
Tökur á hans nýjustu þáttum, Most Dangerous Game, hjálpuðu einnig til en hann þurfti að hlaupa mikið við tökurnar. „Ég eyddi bróðurpartinum af því verkefni hlaupandi um göturnar og lenti í miklum barsmíðum einnig. En það var samt frábært því það hélt mér á hreyfingu. Ég hljóp um 10 kílómetra á hverjum degi á tímabili, sem er nokkuð sem ég hef aldrei gert,“ sagði Hemsworth.
Hann er stoltur af árangri sínum enda vann hann hörðum höndum að því að koma sér í þetta form.
View this post on InstagramA post shared by Liam Hemsworth (@liamhemsworth) on Apr 5, 2020 at 3:54pm PDT