Morgunblaðið | 18.4.2020 | 17:55 | Uppfært 19.4.2020 13:28

Beint: Heimurinn saman heima

Tónlistarkonan Lady Gaga hafði frumkvæðið að skipulagningu tónleikanna, sem einhver kynni að kalla Live Aid okkar kynslóðar. AFP

Á miðnætti í kvöld að íslenskum tíma hefjast tónleikarnir One World Together at Home, sem þýða mætti eins og landlæknir Heimurinn saman heima. Um er að ræða styrktartónleika á vegum góðgerðarfélagsins Global Citizen í samstarfi við Alþjóðaheilbrigðismálastofnunina. Upphitunarþáttur hefst klukkan 18.

Fjöldi heimsþekktra tónlistarmanna stígur á stokk, Rolling Stones, Elton John, Paul McCartney, Stevie Wonder, Alicia Keys, Andrea Bocelli, Lady Gaga, Sam Smith, The Killers, Taylor Swift, J Balvin og Usher.

Þokkalegasta dagskrá. Ljósmynd/Global Citizens

Kynnar á tónleikunum verða spjallþáttastjórnendurnir Jimmy Fallin, Jimmy Kimmel og Stephen Colbert. Hægt er að horfa á tónleikana á ýmsum sjónvarpsstöðvum um allan heim, Facebook, Youtube og Twitter, og að sjálfsögðu hér á mbl.is.

Tónleikarnir sjálfir hefjast sem fyrr segir á miðnætti, en nokkurs konar upphitunarþáttur hefst klukkan 18 að íslenskum tíma.

Sir Paul McCartney, einn fjölmargra sem munu koma fram. AFP

Stöndum saman

Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.

Stöndum saman