Piparsveinn snýr sér í klámið

Raunveruleikastjarnan Chad Johnson hefur ákveðið að hætta í raunveruleikasjónvarpinu og snúa sér yfir í klámiðnaðinn. Johnson hefur tekið þátt í fjölda raunveruleikaþátta, þar á meðan Bachelor in Paradise og Bachelorette.

Johnson hyggst flytja til Las Vegas frá Los Angeles í Bandaríkjunum og hefja framleiðslu á klámi með kærustu sinni Annalise Mishler. 

„Ég er þreyttur á því að láta fara illa með mig í Hollywood. Mig vantar pening, ég þarf að gera eitthvað, þetta er leið til að ná völdunum aftur,“ sagði piparsveinninn fyrrverandi í Daily Mail. 

Johnson segir að hann sé með mjög mikla kynhvöt og því hefur verið auðvelt fyrir hann að snúa sér yfir í klámið. 

„Að geta hagnast á þessu fjárhagslega er andskoti magnað. Ég sé ekki eftir þessu, ég vissi alltaf að ég vildi gera eitthvað í þessum bransa, ég var bara ekki viss um hvað,“ sagði Johnson. 

Hann og Mishler hafa ekki enn gefið út fyrstu klámmyndina sína saman en þau eru með reikning á Only Fans þar sem notendur geta greitt þeim fyrir að taka nektarmyndir og myndbönd af sér. 

Hann segir að þau hafi nú þegar hagnast um tæpar 6 milljónir íslenskra króna á forritinu.