Morgunblaðið | 30.4.2020 | 12:16

Guðmundur lætur af störfum sem forstjóri Brims

Guðmundur Kristjánsson lætur af störfum sem forstjóri Brims.

Guðmundur Kristjánsson lætur af störfum sem forstjóri Brims. mbl.is/Kristinn Magnússon

Guðmundur Kristjánsson hefur látið af störfum sem forstjóri Brims hf, en félagið hét áður HB Grandi. Guðmundur er meirihlutaeigandi Útgerðarfélags Reykjavíkur, sem er stærsti eigandi Brims.

Fram kemur í tilkynningu til Kauphallarinnar að hann láti af störfum af persónulegum ástæðum og að stjórn félagsins hafi samþykkt það á reglulegum stjórnarfundi í dag.

Kristján Þ. Davíðsson, stjórnarformaður, hefur þar með tekið tímabundið við verkefnum og skyldum forstjóra og mun gera það þangað til að nýr forstjóri hefur verið ráðinn. Guðmundur situr eftir sem áður í stjórn félagsins.

Greint var frá því fyrr í dag að ÚR hefði selt hlutabréf í Brim fyrir 600 milljónir.

Selur fyrir 600 milljónir í Brim

Frétt af mbl.is

Selur fyrir 600 milljónir í Brim

[Fara efst á síðu]