Morgunblaðið | 30.4.2020 | 11:05

Síðasti séns til að hefja strandveiðar á mánudag

Nú styttist í að strandveiðar hefjist og fer hver að verða síðastur að sækja um leyfi. mbl.is/Alfons Finnsson

Frestur til þess að fá leyfi til að hefja strandveiðar á mánudag 4. maí rennur út í dag klukkan þrjú og þarf að greiða fyrir leyfið fyrir klukkan níu í kvöld, að því er segir í tilkynningu á vef Fiskistofu.

Öll von er þó ekki úti fyrir þá sem eru seinir á ferð og munu umsóknir og greiðslur sem verða fyrir töfum fá veiðileyfi frá og með þriðjudeginum 5. maí eða síðar sé þess óskað í umsókninni. Sértaklega ítrekar Fiskistofa að þeir sem skila umsóknum og greiðslum seinna en tilskilin frestur gerir ráð fyrir geta ekki hafið veiðar á mánudag.