Morgunblaðið | 12.5.2020 | 16:22 | Uppfært 21:26

Össur ætlar að endurgreiða hlutabætur

Jón Sigurðsson, forstjóri Össurar. mbl.is/Eggert Jóhannesson

Össur hf. mun endurgreiða Vinnumálastofnun þá fjármuni sem runnið hafa til 165 starfsmanna félagsins á meðan þeir voru í hlutastarfi vegna kórónuveirufaraldursins. Þá mun fyrirtækið einnig hætta að nota úrræðið hér á landi. Þetta kemur fram í tilkynningu frá félaginu, en mikil gagnrýni hefur komið fram eftir að ljóst varð að fjöldi fyrirtækja sem stóðu vel höfðu jafnframt nýtt sér hlutabótaleið stjórnvalda.

Ráðamenn hafa sagt að leiðin sé hugsuð vegna brýnnar nauðsynjar, en ekki fyrir stöndug fyrirtæki. Sagði Bjarni Benediktsson fjármálaráðherra að stöndug fyrirtæki sem hefðu nýtt sér þessa leið væru að stinga „rýtingi í samstöðuna“ í þjóðfélaginu.

Festi, Hagar, Brim, Origo, Esja og Skeljungur hafa öll áður greint frá því að þau muni endurgreiða Vinnumálastofnun vegna hlutabóta sem starfsfólki fyrirtækjanna voru greiddar.

Frétt af mbl.is

„Óskaplega slæmt“

Frétt af mbl.is

„Mér finnst það óviðunandi“

Í tilkynningu Össurar kemur fram að fyrirtækið hafi um miðjan apríl ákveðið að nýta sér úrræðið og víða um heim hafi sala fyrirtækisins minnkað um helming og verið enn á niðurleið. „Ljóst var að þessi þróun myndi hafa mikil áhrif á fjárhagsstöðu fyrirtækisins og því var gripið til víðtækra aðgerða til að minnka bæði umsvif og kostnað. Þessar aðgerðir hafa haft áhrif á störf og starfshlutfall um 1.000 starfsmanna fyrirtækisins um allan heim, þar af 165 á Íslandi. Sú óvissa sem ríkt hefur um framtíðina hefði, án hlutabótaúrræðisins á Íslandi og sambærilegra mótvægisaðgerða í öðrum löndum, leitt til uppsagna hérlendis sem erlendis. Nú mánuði síðar er enn mikil óvissa, en merki eru um að markaðir fyrirtækisins séu að taka við sér á ný.“

Össur. Ljósmynd/Aðsend

Tekið er fram að ákvörðun um arðgreiðslu vegna síðasta árs hafi verið tekin áður en áhrif af faraldrinum hafi orðið ljós. „Þá var kaupum á eigin bréfum hætt 17. mars, um mánuði áður en Össur nýtti sér úrræði stjórnvalda.“

„Ekki er full samstaða hér á landi um að fyrirtæki nýti hlutabótaúrræðið“

„Við erum stjórnvöldum hérlendis og erlendis afar þakklát fyrir aðgerðir sem hafa gert okkur kleift að viðhalda verðmætu ráðningarsambandi við okkar starfsmenn. Nú liggur fyrir að ekki er full samstaða hér á landi um að fyrirtæki nýti hlutabótaúrræðið. Það er okkur mikils virði að starfa í góðri sátt við samfélögin þar sem við störfum. Við greiðum því til baka alla þá fjármuni sem starfsmenn okkar hafa fengið hér á landi vegna hlutabótarleiðarinnar, sem námu um 20 milljónum króna á tímabilinu 18.-30. apríl.“

Vikan

Sérblöð í vikunni

Össur ætlar að endurgreiða hlutabætur

Frétt af mbl.is

„Óskap­lega slæmt“

Frétt af mbl.is

„Mér finnst það óviðun­andi“

„Ekki er full samstaða hér á landi um að fyr­ir­tæki nýti hluta­bóta­úr­ræðið“

Tengt efni / Kórónukreppan

„Óskaplega slæmt“

„Mér finnst það óviðunandi“

„Ekki er full samstaða hér á landi um að fyrirtæki nýti hlutabótaúrræðið“