Morgunblaðið | 14.5.2020 | 12:00

Disneyland í Sjanghæ opnaði dyr sínar

00:00

Disneyland í Sjanghæ í Kína opnaði í byrjun vikunnar. Gestir skemmtigarðsins verða að vera með andlitsgrímur og eru þeir hitamældir áður en þeir komast inn í garðinn.

Garðurinn hefur verið lokaður í þrjá og hálfan mánuð vegna útbreiðslu kórónuveirunnar. Þótt garðurinn hafi opnað dyr sínar er ekki allt eins og það var áður en heimsfaraldurinn skall á.

Undir venjulegum kringumstæðum geta 80 þúsund manns heimsótt garðinn og 12 þúsund manns vinna þar á hverjum degi. Á opnunardegi garðsins í vikunni var hins vegar fjölmennara í hópi starfsfólks en gesta.

Stjórnandi Disneylands í Sjanghæ, Andrew Bolstein, sagði í viðtali við CNN Travel að garðurinn hefði aukið við þann fjölda sem sinnir þrifum í garðinum.

Flestir gestanna sem heimsóttu garðinn þennan fyrsta dag voru íbúar Sjanghæ og leyndi gleðin sér ekki, þrátt fyrir að allir hafi verið með andlitsgrímu.

Disneyland í Sjanghæ hefur opnað dyr sínar. AFP

Allir með grímu. AFP

Flestir gestanna voru heimamenn. AFP

AFP

Tveggja metra reglan í hávegum höfð. AFP

Stöndum saman

Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.

Stöndum saman