Morgunblaðið | 22.5.2020 | 10:30 | Uppfært 11:06

Kynntust á Kaffibarnum og eiga nú flottasta garðinn

Hjónin Ýr og Anthony eiga geggjaðan garð í Hafnarfirði.

Í dag fylgir 40 síðna Garðablað með Morgunblaðinu. Blaðið er fullt af spennandi efni en forsíðuna prýða hjónin Ýr Káradóttir og Anthony Bacigalupo sem eiga einstakan hönnunargarð í Hafnarfirði.

Stíll þeirra er persónulegur, nútímalegur, kúl og töff enda parið afburða smekklegt og með næmt auga fyrir umhverfinu en garðurinn var kosinn einn af verðlaunagörðum bæjarins í fyrra. Ýr gefur eiginmanninum heiðurinn af bæði hugviti, hönnun og framkvæmd en Anthony, sem er fæddur og uppalinn í Kaliforníu, starfaði hjá Apple þar sem hann vann meðal annars í því að hanna verslanir fyrir tölvurisann. Svo gerðist það að listamaðurinn frá Kaliforníu fann ástina á Íslandi, nánar tiltekið á Kaffibarnum af öllum stöðum.

„Ég hafði verið að vinna að verkefni á Hótel Búðum og aldrei komið til Reykjavíkur enda miklu hrifnari af sveit en borg. Við Ýr hittumst svo bara á dansgólfinu á Kaffibarnum, urðum ástfangin og hér er ég, sjö árum síðar,“ segir hann kíminn og bætir við að sagan hefði kannski getað verið rómantískari.

HÉR getur þú lesið Garðablaðið.