Morgunblaðið | 23.6.2020 | 12:29 | Uppfært 13:10

Hver bátur landað átta tonnum

Það virðist hafa verið fín veiði hjá strandveiðibátunum í ár og hefur hver löndun verið 652,8 kíló að meðaltali. mbl.is/Alfons Finnsson

Fleiri bátar eru á strandveiðum í ár heldur en verið hefur, en 614 bátar hafa landað afla frá því strandveiðitímabilið hófst og eru það 27% fleiri bátar en höfðu landað á sama tíma 2018 þegar þeir voru 483 og 11% fleiri en árið 2019 þegar þeir voru 555.

Strandveiðibátarnir hafa nú landað 4.919 tonnum frá því að tímabilið hófst í maí og eru það rétt rúmlega 44% af þeim 11.100 tonnum sem strandveiðibátum hefur verið úthlutað í sumar, að því er fram kemur í gögnum Fiskistofu. Tveir mánuðir, júlí og ágúst, eru eftir af tímabilinu.