Morgunblaðið | 14.7.2020 | 11:12

Staðan ekki boðleg samfélaginu okkar

Íris Róbertsdóttir, bæjarstjóri Vestmannaeyjabæjar, segir áhrifin af vinnustöðvuninni gríðarlega mikil.

Íris Róbertsdóttir, bæjarstjóri Vestmannaeyjabæjar, segir áhrifin af vinnustöðvuninni gríðarlega mikil. mbl.is/Óskar Pétur

„Ég tek ekki efnislega afstöðu enda deilan ekki á mínu borði. En þetta hefur gríðarlega mikil áhrif á samfélagið allt og við hörmum það að þessi vinnudeila sé að hafa þau áhrif að þjóðvegurinn okkar sé lokaður.“

Þetta segir Íris Róbertsdóttir, bæjarstjóri Vestmannaeyjabæjar, í samtali við mbl.is um aðra vinnustöðvun félagsmanna Sjómannafélags Íslands í áhöfn Herjólfs sem nú stendur yfir. Hún hefur þau áhrif að Herjólfur siglir ekki í tvo sólarhringa.

Deilan er á borði ríkissáttasemjara en engir fundir hafa verið boðaðir. Síðasti fundur samninganefnda Herjólfs ohf. og Sjómannafélagsins fór fram 8. júlí.

Fylgjast grannt með kjaradeilu skipverja Herjólfs

Frétt af mbl.is

Fylgjast grannt með kjaradeilu skipverja Herjólfs

Vonar að deiluaðilar leysi málið

Skipverjarnir lögðu niður störf í einn sólarhring, þann 7. júlí síðastliðinn. Þriðja vinnustöðvunin er áætluð frá miðnætti 28. júlí og mun hún standa yfir í þrjá sólarhringa.

„Ég vona það besta – að deiluaðilar klári þetta af því að staðan eins og hún er núna er ekki boðleg samfélaginu okkar,“ bætir Íris við.

Ekkert gert til að stöðva verkfall

Frétt af mbl.is

Ekkert gert til að stöðva verkfall

[Fara efst á síðu]