Morgunblaðið | 22.7.2020 | 11:39 | Uppfært 13:04

Meta næstu skref vegna olíuleka í Seyðisfirði

Frá vettvangi við flak El Grillo. Starfsmenn Landhelgisgæslunnar á Fleng 850, léttbáti Týs, sem kemur úr smiðju Rafnars. Ljósmynd/Umhverfisstofnun

Umhverfisstofnun og Landhelgisgæslan meta nú næstu skref og mögulegar aðgerðir til að stöðva leka úr flaki El Grillo sem liggur á botni Seyðisfjarðar.

Fyrr í ár stöðvuðu kafarar frá Landhelgisgæslunni talsverðan svartolíuleka úr flakinu með því að steypa í mannop sem liggur ofan í einn af olíutönkum skipsins. Veitti ríkisstjórnin 38 milljónum í það verkefni til að koma í veg fyrir mengun.

Frétt af mbl.is

Aðgerð kafaranna snúin

Umhverfisstofnun greinir nú frá því að kafarar hafi farið niður að flakinu til að skoða leka eftir að vart varð um mengun á ný á dögunum. Þar kom í ljós að aðgerðirnar sem farið var í í vor hafi haldið og skilað þeim árangri að enginn sjáanlegur leki sé úr þeim tanki. Hinsvegar virðist farið að leka úr öðrum tangi sem staðsettur er undir brú skipsins.

Frétt af mbl.is

Tafsamt verk en gengur vel

Lekinn kemur frá mannopi sem staðsett er framan við brúna en drasl og set á dekki heftir aðgengi að þessum tanki að sögn Umhverfisstofnunar. Meta nú Umhverfisstofnun og Landhelgisgæslan næstu skref og mögulegar aðgerðir.