Morgunblaðið | 31.7.2020 | 12:00

Lína og Gummi spara ekkert til í París

Lína Birgitta og Gummi eru í París. Skjáskot/Instagram

Áhrifavaldurinn Lína Birgitta Sigurðardóttir og kærasti hennar Guðmundur Birkir Pálmason eru stödd í París í Frakklandi um þessar mundir. Lína og Gummi hafa notið sólarinnar í Parísarborg síðustu daga, snætt á girnilegum veitingastöðum og skoðað helstu túristastaðina.

Þau dvelja á fimm stjörnu hótelinu Maison Albar Hotels Le Diamond í 8. hverfi borgarinnar. Staðsetning hótelsins er mjög góð og steinsnar frá ánni Signu og Sigurboganum. Þar að auki er aðeins 20 mínútna ganga á flottustu verslunargötu borgarinnar, Champs-Élysées.

Parið hefur heimsótt nokkra veitingastaði í heimsókn sinni til Parísar, þar á meðal Brasserie Haussman, hvar þau snæddu morgunverð og veitingastaðinn Restaurant L 'Avenue. Restaurant L 'Avenue er veitingastaður í fínni kantinum og með mjög góðar einkunnir á samfélagsmiðlum.

View this post on Instagram

Morgunmatur 🥖🥞🥐 Það er gaman að segja frá því að þegar við mættum á þennan stað þá var ég að tala opinskátt um dónalega hluti eins og sumir myndu orða það og það skemmtilegasta var að það var íslendingur á næsta borði sem ég hafði ekki hugmynd um sem heyrði gjörsamlega allt! Það var nice 🙂😂

A post shared by Lína Birgitta (@linabirgittasig) on Jul 29, 2020 at 12:30am PDT