Morgunblaðið | 11.8.2020 | 18:52 | Uppfært 19:32

Afmáði upplýsingar til verndar heimildamönnum

Helgi Seljan. Skjáskot/RÚV

Fréttamaðurinn Helgi Seljan segir rangt að skýrsla Verðlagsstofu, sem umfjöllun Kastljósþáttar um Samherja árið 2012, hafi aldrei verið til. Gögn hafi ekki verið fölsuð heldur hafi verið átt við þau til að afmá persónugreinanlegar upplýsingar sem hefðu getað vísað á heimildamenn hans.

Þetta kom fram í viðtali við Helga í kvöldfréttum Stöðvar 2.

Guðmundur Ragnarsson, fyrrverandi formaður Félags vélstjóra og málmtæknimanna (VM), staðfestir að hann hafi fengið í hendur þau gögn sem Helgi Seljan lagði til grundvallar umfjöllun sinni um hugsanleg brot Samherja á gjaldeyrislögum í Kastljósþætti 2012.

Þetta kemur fram í viðtali við Guðmund í Stundinni.

Fyrrverandi forstöðumaður Verðlagsstofu skiptaverðs, sem Helgi ber að hafi unnið umrætt skjal, minnist þess hins vegar ekki að hafa gert það og telur rétt með farið hjá starfsmanni Verðlagsstofu sem segir í tölvupóstum til Samherja að engin slík vinna hafi farið fram.