Morgunblaðið | 18.8.2020 | 5:30 | Uppfært 5:59

Aldrei meiri afli á strandveiðum

Aldrei hafa aflaheimildir og afli strandveiðibáta verið meiri en í sumar. mbl.is//Hafþór

Að óbreyttu má reikna með að strandveiðum sumarsins ljúki í vikunni, en afli í þorski nálgast útgefið aflahámark.

Aldrei hafa aflaheimildir og afli strandveiðibáta verið meiri en í sumar og bátum fjölgaði talsvert frá síðasta ári. Aflahæstu bátar hafa komið með yfir 40 tonn að landi og má áætla að aflaverðmæti þeirra sé yfir 12 milljónir króna.

Örn Pálsson, framkvæmdastjóri Landssambands smábátaeigenda, segir ástandið í þjóðfélaginu vegna kórónuveikinnar og bágt atvinnuástand í kjölfarið einkum skýra fjölgun báta á strandveiðum í ár. Í því ljósi hefði átt að finna leiðir til að leyfa strandveiðar út september.