Morgunblaðið | 3.9.2020 | 20:26 | Uppfært 22:13

Sex grunaðir um mútur og peningaþvætti

Frá nýju frystihúsi Samherja á Dalvík.

Frá nýju frystihúsi Samherja á Dalvík.

Sex starfsmenn Samherja, núverandi og fyrrverandi, hafa réttarstöðu sakbornings í rannsókn héraðssaksóknara á ætluðum mútum, peningaþvætti og fleiri brotum sem tengjast starfsemi útgerðarfélagsins í Namibíu.

Þeirra á meðal er forstjórinn Þorsteinn Már Baldvinsson.

Frá þessu greinir Ríkisútvarpið, en heimildir þess herma að auk hans séu sakborningar í málinu eftirfarandi:

Ingvar Júlíusson, fjármálastjóri Samherja á Kýpur
Arna Bryndís Baldvins McClure, lögfræðingur Samherja
Egill Helgi Árnason, framkvæmdastjóri Samherja í Namibíu
Aðalsteinn Helgason, fyrrverandi framkvæmdastjóri Samherja í Namibíu
Jóhannes Stefánsson, uppljóstrari sem einnig var framkvæmdastjóri Samherja í Namibíu

Öll munu þau hafa verið yfirheyrð í sumar vegna rannsóknar málsins.

[Fara efst á síðu]