Morgunblaðið | 23.9.2020 | 11:41

TF-EIR sótti veikan skipverja

TF-EIR tók á loft frá Reykjavíkurflugvelli klukkan 3:31 og hafði lokið við að hífa skipverjann um borð í þyrluna tveimur tímum síðar. Myndin er úr safni. Ljósmynd/Landhelgisgæslan

Þyrlusveit Landhelgisgæslunnar var kölluð út á þriðja tímanum nótt til að sækja veikan skipverja af fiskiskipi. Skipið var þá statt norður af Melrakkasléttu.

TF-EIR tók á loft frá Reykjavíkurflugvelli klukkan 3:31 og hafði lokið við að hífa skipverjann um borð í þyrluna tveimur tímum síðar að sögn Landhelgisgæslunnar.

Þyrlan lenti svo á Reykjavíkurflugvelli laust fyrir klukkan átta í morgun. Þar beið sjúkrabíll sem flutti manninn á Landspítalann.