Leikkonan Rebel Wilson er aðeins þremur kílóum frá því að ná markmiði sínu fyrir árið 2020. Í upphafi árs setti Wilson sér það markmið að verða 75 kíló og setja heilsuna í forgrunn.
Mikið hefur verið að gera hjá Wilson síðastliðnar vikur en hún var meðal annars á ferðalagi um Evrópu í september. Hún passar þó upp á að hreyfingin mæti ekki afgangi. Í færslu á Instagram í gær sagði hún frá því að hún hefði rifið sig upp klukkan sex þrisvar sinnum í síðustu viku til að fara í fjallgöngu.
Wilson hefur lengi verið í ofþyngd en hún öðlaðist frægð í kvikmyndaseríunni Pitch Perfect. Þar fór hún með hlutverk Fat Amy, eða feitu Amy. Hún sagði í viðtali fyrr á þessu ári að hún hefði fengið greitt aukalega fyrir að halda sér í yfirþyngd.
View this post on InstagramA post shared by Rebel Wilson (@rebelwilson) on Oct 4, 2020 at 9:00am PDT