Morgunblaðið | 24.10.2020 | 21:45 | Uppfært 22:35

Katrín í öðru en dregst þó aftur úr

Katrín Tanja Davíðsdóttir hefur tvívegis sigrað heimsleikana í crossfit, árið 2015 og 2016. Ljósmynd/Instagram

Katrín Tanja Davíðsdóttir er í öðru sæti á heimsleikum í crossfit sem fara þessa stundina fram í Norður-Karólínu. Fjórum viðureignum af fimm er lokið í dag og Katrín er töluvert mörgum stigum á eftir Tia-Clair Toomey, sem er í fyrsta sæti með yfirburðum.

Toomey er með 670 stig, Katrín með 425 og Haley Adams, næst á eftir Katrínu með 400 stig.

Katrín endaði í þriðja sæti eftir keppni gærdagsins en bilið á milli hennar og Toomey var þó öllu minna þá, aðeins um 110 stig. Toomey hefur því aukið verulega á forskotið með deginum í dag.

Lokadagur á morgun

Ein viðureign er eftir í dag og hún hefur enn ekki verið tilkynnt. Viðureignir dagsins hafa verið fjölbreyttar, hlaup, lyftingar, hjól, en hefð er fyrir því að tilkynna tilteknar viðureignir með mjög stuttum fyrirvara.

View this post on Instagram

3 athletes, 3-minute cap W 175-180-185 lb. M 265-275-285 lb. All 5 athletes will begin the first round, performing 1 snatch at each of the three progressively heavier barbells. After each round, the slowest athlete will be eliminated, while the remaining athletes will rest 2 minutes before beginning the next round. @CrossFit • @tiaclair1 @katrintanja @brookewellss @karipearcecrossfit — #CrossFitGames #CrossFit #Fitness #Workout #CrossFitTraining #FittestomEarth #weightlifting #snatch

A post shared by CrossFit Games (@crossfitgames) on Oct 24, 2020 at 1:12pm PDT

Í karlaflokki virðist raunar mun frekar keppt um annað sætið en það fyrsta, slíkir eru yfirburðir Mathew Fraser, sem hefur verið hraustasti maður heims síðustu fjögur ár og lætur engan bilbug á sér finna núna. Björgvin Karl Guðmundsson er ekki í úrslitum.

Síðasta viðureign dagsins fer fram á tólfta tímanum á íslenskum tíma í kvöld, þar sem Katrín gæti nælt sér í stig og minnkað forskot Toomey. Það þarf mikið til að hún nái henni, en Toomey hefur verið hraustust kvenna síðustu þrjú ár. Þar á undan hafði það verið Katrín Tanja.