Áhrifavaldurinn Lína Birgitta Sigurðardóttir greindi frá því á Instagram í dag að brotist hefði verið inn í geymsluna hjá henni og kærasta hennar Guðmundi Birki Pálmasyni, betur þekktum sem Gumma kíró.
Hjóli Línu var stolið úr geymslunni þeirra en hennar hjól og hjól sonar Gumma voru læst saman. Klippt var á lásinn en aðeins hennar hjól tekið.
Lína og Gummi eru búsett í Smárahverfi og segir Lína að hún hafi heyrt af því að brotist hafi verið inn í fleiri hús í nágrenninu. Hún vildi minna fólk á að huga að lásum á geymslum.
„Eins og ég segi þá er þetta allt bara mjög óþægilegt og óhuggulegt. Ég vil bara nýta minn miðil ef þið búið í Smárahverfinu að þið verðið kannski smá meðvituð um heimilið ykkar, geymslurnar ykkar og hjólageymslurnar ykkar,“ sagði Lína.