Það er aldrei of seint að byrja að hreyfa sig segja sumir. Þetta á að minnsta kosti við í tilviki hins kanadíska Bills Masons. Mason fagnaði 96 ára afmæli sínu fyrir nokkrum vikum og fór í crossfit eins og hann gerir svo oft.
Mason tók rétttstöðulyftu, reri 200 metra, gerði magaæfingar, armbeyjur, upphífingar og lyfti handlóðum á afmælinu.
Kappinn segist hafa þurft eitthvað að gera, hafði nægan tíma og ákvað að prófa íþróttina. Hann hefur ekki stundað crossfit lengi en það var sonur hans sem benti honum á að prófa og byggja þannig upp styrk. Mason fékk heilablóðfall fyrir tveimur árum sem hafði áhrif á líkamlega færni hans.
Mason hefur farið í tíma fyrir eldri borgara í stuttan tíma en eigandi líkamsræktarstöðvarinnar segist sjá framför hjá elsta iðkandanum. Hann notar til dæmis stafinn sinn minna en áður. Hann er einnig hvatning fyrir aðra sem yngri eru.
Dr. Bill Mason celebrated his 96th birthday this week by lifting weights. 96 AND CRUSHING IT!!
— CBC P.E.I. (@CBCPEI) October 23, 2020
You have to check this out and read more about Bill here: https://t.co/CMRNaNosJH #PEI #PrinceEdwardIsland pic.twitter.com/9DSWFkKzpb