Forsætisráðherra segir að hugur allra sé nú hjá íbúum á Seyðisfirði „núna þegar við fylgjumst með fréttum af ægilegum aurskriðum sem falla nú á bæinn. Við bíðum enn fregna af nýjustu skriðunni en landsmenn allir standa með Seyðfirðingum í dag.“
Þetta kemur fram í færslu sem Katrín Jakobsdóttir forsætisráðherra birti á Facebook.
„Viðbragðsaðilar eru núna á staðnum að legga allt kapp á að koma öllum í öruggt skjól á meðan hætta steðjar að. Við fylgjumst grannt með stöðunni og björgunarsveitir hafa verið kallaðar út til að aðstoða við rýmingu en enn rignir á svæðinu og aðstæður því mjög erfiðar. Við sendum þeim okkar bestu óskir. Við munum öll hjálpast að við að bæta þetta tjón og vinna að úrbótum til framtíðar,“ skrifar hún ennfremur.
Hugur okkar allra er hjá íbúum á Seyðisfirði núna þegar við fylgjumst með fréttum af ægilegum aurskriðum sem falla nú á...
Posted by Katrín Jakobsdóttir on Föstudagur, 18. desember 2020
Hugur minn er hjá Seyðfirðingum, íbúum og björgunarfólki. Þarna er verið að berjast við náttúruna í miðjum heimsfaraldri...
Posted by Áslaug Arna Sigurbjörnsdóttir on Föstudagur, 18. desember 2020