Opna dyrnar fyrir íbúa Seyðisfjarðar
Setja bókamerki
Sigrún Jóhanna Þráinsdóttir framkvæmdastjóri 701 hotels, sem rekur Hótel Valaskjálf og Hótel Hallormsstað ásamt veitingastöðum, segir að nokkuð vel gangi að koma íbúum Seyðisfjarðar fyrir á hótelum.
„Við erum búin að koma flestum fyrir í Valaskjálf og eitthvað af fólki er farið að fara upp á Hallormsstað líka,“ segir hún í samtali við mbl.is.
Hótelherbergin verði í boði eins lengi og þörf krefur.
Rann blóðið til skyldunnar
„Hótelin okkar voru lokuð hvort sem var vegna Covid-19, við opnuðum bara fyrir þetta og tökum stöðuna dag frá degi.“
Hún segir að sjálfsögðu hafi þeim runnið blóðið til skyldunnar við fregnirnar frá Seyðisfirði.
„Það stendur ekkert á manni þegar þess þarf.“
Bjóða gæludýrapössun og föt
Sigrún segir ekki hægt að meta andrúmsloftið, það sé þó erfitt og fólk í áfalli.
„Fólk er að bjóða fram aðstoð sína við þá sem eru að taka á móti fólki, bjóðast til að passa upp á gæludýr, ef fólk þarf auka fatnað og mat.“
/frimg/1/24/72/1247256.jpg)
/frimg/1/24/71/1247149.jpg)
/frimg/1/24/64/1246450.jpg)
/frimg/1/24/61/1246170.jpg)
/frimg/1/24/61/1246163.jpg)
/frimg/1/24/61/1246111.jpg)
/frimg/1/24/61/1246104.jpg)
