Morgunblaðið | 19.12.2020 | 22:00

Hvað var Mariah Carey að spá þegar hún samdi jólalag aldarinnar?

Mariah Carey er drottning jólanna að margra mati.

Margir hafa keypt sér nýju bókina hennar Mariah Carey; The Meaning of Mariah Carey og eru að glugga í hvað hún var að hugsa þegar hún gerði eitt frægasta jólalag veraldar „All I Want for Christmas is You.“

„Mig langaði að syngja fallegt jólalag sem myndi minna á jólin eins og þau voru,“ hefur verið haft eftir henni í gegnum tíðina.

Þótt Carey hafi ekki verið sérstaklega hamingjusöm á þeim tíma sem lagið kom fyrst út í upphafi tíunda áratugarins, meðal annars vegna erfiðra samskipta við Tommy Mottola sem seinna varð eiginmaður hennar, vildi hún gera lag sem myndi gera hana sjálfa hamingjusama.

Eins og fram kemur á vef The New York Times sem gerði úttekt á bókinni hennar var Carey í erfiðu hjónabandi með Mottola, sem var stjórnsamur og ofbeldisfullur gagnvart henni.

Carey lætur vinsældir lagsins ekki stíga sér til höfuðs enda er hún þekkt fyrir að taka meira mark á sér sjálfri en öðru fólki.

Carey stendur alltaf fyrir sínu og er gaman að skoða lagið frá því á tíunda áratugnum og bera saman við nýlegri útgáfu þess.