Rýmingu á Eskifirði hefur nú verið aflétt. Þetta kemur fram í tilkynningu frá lögreglu.
Ákvörðunin um afléttinguna var tekin í samráði við ofanflóðavakt Veðurstofunnar, og mun fjöldahjálparstöðinni í Eskifjarðarkirkju því vera lokað kl. 15.30.
Fram kemur í tilkynningunni að mikil hreyfing hafi verið á tveimur stöðum í Oddsskarðsvegi á fimmtudag og hafi sprungur opnast þar.
Þá hafi lítið hreyfing verið á því svæði í gær, en Oddsskarðsvegur verður þó áfram lokaður í óákveðinn tíma.
Fyrri tilmæli um að fólk gæti varúðar við Grjótá og Lambeyrará falla nú úr gildi, að sögn lögreglu.