Þór, varðskip Landhelgisgæslunnar, tók flutningaskipið Lagarfoss í tog áleiðis til Reykjavíkur í gær en gert er ráð fyrir því að skipin komi til Reykjavíkur á gamlársdag. Landhelgisgæslan hefur birt myndskeið af því þegar dráttarvír var komið á milli skipanna.
Lagarfoss varð vélarvana 230 sjómílur suðvestur af Garðarskaga 27. desmber og lítið gekk að koma vélum skipsins í gang.Því var óskað eftir aðstoð Landhelgisgæslunnar.
Verkið gengur vel og eins og áður sagði eru skipin væntanleg til hafnar eftir tvo daga.