Morgunblaðið | 12.1.2021 | 19:05

Loðnuráðgjöf ekki breytt

Árni Friðriksson RE. mbl.is/Sigurður Bogi Sævarsson

Að mati Hafrannsóknastofnunar er ekki þörf á breyttri ráðgjöf vegna loðnuveiða eftir að loðnuleiðangri fimm skipa lauk um helgina.

Gefin var út loðnuráðgjöf í desember upp á tæplega 22 þúsund tonn.

Frétt af mbl.is

Loðnukvótar fara til erlendra skipa

Í leiðangri skipanna náði hafís yfir stóran hluta rannsóknasvæðis. Sýnt þykir að mun minna magn mældist af loðnu en í desember. Verið er að vinna úr gögnum og stofnmat liggur ekki fyrir, að því er segir í tilkynningu.

„Fyrirhugað er að endurtaka mælingar þegar aðstæður leyfa með tilliti til hafíss, veðurs og útbreiðslu loðnu. Rannsóknaskipin Árni Friðriksson og Bjarni Sæmundsson munu geta lagt í leiðangur með stuttum fyrirvara og í kjölfarið verður metin þörf á mögulegri aðkomu fleiri skipa,“ segir í tilkynningunni.