Söngkonan og förðunarfræðingurinn Elísabet Ormslev er búin að finna ástina. Sá heppni heitir Sindri Þór Kárason og er hljóðhönnuður hjá Sagafilm. Parið skráði sig í samband á Facebook um helgina.
Smartland greindi frá því á dögunum að það væri bjart yfir Elísabetu og að hún færi ástfangin inn í 2021.
2020 var Elísabet mikið í sviðsljósinu. Hún tók þátt í Söngvakeppni Sjónvarpsins með glæsibrag og svo þeystist hún um landið í Tónaflóði Rásar 2 og RÚV með hljómsveitinni Albatross þar sem hún tók hvern smellinn á fætur öðrum ásamt ástsælustu söngvurum þjóðarinnar.