Morgunblaðið | 5.2.2021 | 23:34 | Uppfært 6.2.2021 10:45

Bíða enn fregna af John Snorra

John Snorri glímdi einnig við K2 í fyrra. Ljósmynd/Aðsend

Enn er beðið fregna af klifurkappanum John Snorra, sem klífur fjallið K2 um þessar mundir, en ekkert hefur heyrst frá honum í 18 klukkustundir.

Til stóð að John Snorri og feðgarnir Ali Sadpara og Sajid Ali yrðu komnir upp á topp fjallsins K2 í morgun að íslenskum tíma.

Eiginkona Johns Snorra, Lína Móey Björnsdóttir, tjáði mbl.is snemma í morgun að hún væri í sambandi við einn leiðangursmanna sem taldi þá að þremenningarnir væru í um 8.300 metra hæð en K2 er 8.611 metrar að hæð. Sajid Ali þurfti þó að snúa við þar sem súrefnisbúnaður hans virkaði ekki sem skyldi.

Í facebookfærslu á síðu Johns Snorra segir að kapparnir tveir séu afar sterkir fjallgöngumenn og eru aðstandendur því vongóðir um að þeir skjóti bráðlega upp kollinum á ný.

Frétt af mbl.is

Óskar þess að falsfréttaflutningi linni

At this moment we haven't heard from the team since Sajid descended from bottleneck where the team was located 10.00 PKT...
Posted by John Snorri on Föstudagur, 5. febrúar 2021