Morgunblaðið | 14.2.2021 | 20:38 | Uppfært 21:09

Rýming á Seyðisfirði vegna snjóflóðahættu

Frá Seyðisfirði í desember síðastliðnum.

Frá Seyðisfirði í desember síðastliðnum. mbl.is/Eggert Jóhannesson

Vegna snjóflóðahættu hefur Veðurstofa Íslands ákveðið rýmingu á reitum 4 og 6 á Seyðisfirði. Rýming tekur gildi klukkan 21.00 í kvöld.

Íbúar á þessum svæðum tveimur hafa þegar verið upplýstir. Um er að ræða sjö einstaklinga í þremur húsum, að því er fram kemur í tilkynningu frá almannavarnadeild ríkislögreglustjóra.

Ekki er gert ráð fyrir frekari rýmingu að svo stöddu. Vel er þó fylgst með sem fyrr hjá Veðurstofu.

Segir í tilkynningunni að til öryggis muni Þór, varðskip Landhelgisgæslunnar sem staðsett er á Reyðarfirði, fljótlega færa sig yfir til Seyðisfjarðar.

[Fara efst á síðu]