Fjölskylda og vinir fjallgöngumannsins Johns Snorra Sigurjónssonar ætla að halda bænastund fyrir hann og félaga hans Muhammad Ali Sadpara og Juan Pablo Mohr við Vífilsstaðavatn á sunnudagskvöld.
Kveikt verður á kertum og beðið fyrir þeim, að því er kemur fram á facebooksíðu Johns Snorra.
Fólk er hvatt til að taka þátt í bænastundinni, annað hvort við Vífilsstaðavatn eða heima hjá sér.
„John á vini og fjölskyldu víða um heiminn og með þessum hætti getum við sameinast,“ segir á síðunni.