Hulda Rós Hákonardóttir eigandi Húsgagnahallarinnar segir að það færist í vöxt að fólk fjárfesti í sérstöku páskaskrauti.
„Línan okkar samanstendur af krúttlegum kanínum, kertastjökum og páskakúlum sem skemmtilegt er að skreyta heimilið með. Við finnum fyrir auknum áhuga á páskaskrauti í ástandi eins og núna þegar fólk er meira heima við. Fólk vill skreyta og upplifa meiri stemningu. Litapallettan í páskaskrauti er líka skemmtilega fjölbreytt. Hvítir, gylltir og silfraðir litir eru vinsælir ásamt fallega fjólubláum, bleikum og svo auðvitað gula litnum sem er mest þekktur sem einkennislitur páskanna,“ segir Hulda.