Atvinnuvega- og nýsköpunarráðuneytið gaf út í dag reglugerð um fækkun veiðidaga á hrognkelsaveiðum. Dögum hefur nú verið fækkað úr fjörutíu í þrjátíu og fimm.
Þetta kemur fram á vef Fiskistofu.
Upphaflega var gefin út heimild til þess að veiða 9.040 tonn af grásleppu á vertíð ársins og 40 dagar á sjó á hvert grásleppuleyfi.
Breytingin nú hefur í för með sér að bátar sem hófu veiðar 23. mars þurfa að draga öll net sín úr sjó fyrir 26. apríl næstkomandi.
Fréttin hefur verið uppfærð.