Báðir foreldrar Áslaugar Örnu Sigurbjörnsdóttur dómsmálaráðherra greindust með krabbamein þegar hún var aðeins tvítug að aldri. Tveimur árum síðar lést móðir hennar. Áslaug bendir á að mikilvægt sé að sækja sér ráðgjöf og stuðning við slíkan missi. Þar eru dyrnar hjá Krabbameinsfélaginu ávallt opnar.
Áslaug Arna er eitt af 70 andlitum Krabbameinsfélagsins, á afmælisárinu 2021. Í tilefni af afmælinu ætlar Krabbameinsfélagið að birta 70 myndir eða myndskeið af fólki sem hefur komið við sögu í baráttunni gegn krabbameinum í 70 ára sögu félagsins.
Þú getur fylgst með á Instagram og Facebook undir myllumerkinu: #70andlit