Morgunblaðið | 7.5.2021 | 18:00

Drengur týndist á farangursbelti flugvallar

Drengur týndist á farangursbelti. AFP PHOTO / GEORGES GOBET

Drengur týndist á farangursbelti. AFP PHOTO / GEORGES GOBET GEORGES GOBET

Níu ára drengur komst í hann krappan á alþjóðaflugvelli Minneapolis-St.Paul í Bandaríkjunum á laugardaginn.

Ungi drengurinn fór upp á farangursbeltið í komusalnum og skömmu síðar var hann horfinn á bak við þykku svörtu gúmmíblöðkurnar sem skilja farangursbeltið í komusal frá hinu gríðarlega stóra völundarhúsi sem farangursgeymsla flugvallarins er.

Starfsfólk flugvallarins brást skjótt við og slökkti á beltinu í komusalnum, það var hins vegar orðið of seint því drengurinn var horfinn djúpt inn í hyldýpi farangursgeymslu flugvallarins.

Fimm mínútum síðar fannst loks drengurinn í flokkunarsal fyrir óeðlilegan farangur.

Brot úr leiðangri drengsins náðist á öryggismyndavélar sem sjá má hér að neðan.

[Fara efst á síðu]