Morgunblaðið | 29.5.2021 | 5:30 | Uppfært 12:02

Útgerðum í kauphöllinni gæti fjölgað

Þorsteinn Már Baldvinsson og Gunnþór Ingvason. Ljósmynd/Gunnar Gunnarson

Þorsteinn Már Baldvinsson, stjórnarformaður Síldarvinnslunnar, reiknar með að fleiri sjávarútvegsfyrirtæki muni feta í fótspor hennar og skrá sig á markað á næstu misserum.

Tilefnið er að Síldarvinnslan var í fyrradag hringd inn í kauphöllina við hátíðlega athöfn um borð í togaranum Berki II NK við frystihús félagsins í Neskaupstað.

Eftir annasaman dag settist Þorsteinn Már niður með Morgunblaðinu en hann telur aðspurður að dreifðari eignaraðild geti verið liður í að skapa meiri sátt um greinina.

„Ég held að útboð Síldarvinnslunnar verði svolítill prófsteinn á það hvort fleiri fyrirtæki í sjávarútvegi fylgja í kjölfarið,“ segir hann í umfjöllun um mál þetta í Morgunblaðinu í dag.