Það var ekki aðeins á Íslandi sem útskriftir úr framhalds- og háskólum fóru fram um liðna helgi en útskriftir fóru einnig fram í Bandaríkjunum. Með aðstoð Instagram sjáum við að fræga fólkið var að útskrifa börnin sín og það leynir sér ekki að þau eru að rifna úr stolti af árangri erfingjanna á þessum furðulegu og fordæmalausu tímum.
Julian Stern sonur Lisu Kudrow útskrifaðist frá Háskólanum í Suður-Kaliforníu. Lisa skrifaði á Instagram að hún væri glöð og stolt af syninum.
Leikkonan og samfélagsstjarnan Candace Cameron Bure fagnaði ásamt manninum sínum syni þeirra Maksim Bure, sem útskrifaðist úr kristilega framhaldsskólanum NorthStar.
Ofuryfirfyrirsætan Paulina Porizkova er afskaplega stolt af syni sínum Oliver Ocasek.
Glæsilegu hjónin voru stolt af dóttur sinni Carys sem útskrifaðist með bakkalárgráðu.
Fyrsta afkvæmi Shaunie O'Neal og körfuboltagoðsagnarinnar Shaq útskrifaðist úr menntaskóla. Shaqiron O'Neal á eftir að gera góða hluti í háskólakörfunni næsta haust.