Morgunblaðið | 29.6.2021 | 16:11 | Uppfært 17:29

Kelly nýr stöðvarstjóri í Ólafsvík

Kelly Umlah er nýr stöðvarstjóri. Ljósmynd/Hafrannsóknastofnun

Hafrannsóknastofnun hefur ráðið Kelly Umlah sem nýjan stöðvarstjóra og sérfræðing í Ólafsvík. Fram kemur í tilkynningu á vef stofnunarinnar að meðal helstu verkefna í starfstöðinni séu sýnataka úr afla, greining magasýna og þörunga.

„Fyrir starfar í Ólafsvík Gina Sape Sapanta. Kelly mun leiða frekari uppbyggingu í stöðinni í Ólafsvík á næstu árum. Við bjóðum Kelly velkomna til starfa hjá Hafrannsóknastofnun og hlökkum til að sjá starfstöðina í Ólafsvík byggjast upp og blómstra frekar með hennar hjálp og Ginu,“ segir í tilkynningunni.

Kelly er með meistaragráðu frá Háskólasetri Vestfjarða/Háskólanum á Akureyri í haf- og strandsvæðastjórnun og BES-gráðu frá St. Mary‘s-háskóla í Kanada í umhverfisfræðum. Kelly hefur unnið við kennslu í umhverfisfræðum og við skipulagningu á íþrótta- og ungmennastarfi undanfarin ár.