Morgunblaðið | 10.9.2021 | 11:00 | Uppfært 11:28

Harry Potter-stjörnur á landinu

James Phelps, Bonnie Wright og Oliver Phelps eru á Íslandi. Samsett mynd

Leikararnir James og Oliver Phelps auk leikkonunnar Bonnie Wright eru á Íslandi. Öll eru þau þekktust fyrir að fara með hlutverk í kvikmyndunum um galdrastrákinn Harry Potter.

Leikararnir fóru í Sjóböðin á Húsavík á þriðjudagskvöld og á miðvikudag sýndi Wright frá því í story á Instagram að hópurinn hefði farið í hvalaskoðun með Norðursiglingu. Þá sást einnig til þeirra í miðborg Reykjavíkur á fimmtudag.

Samkvæmt heimildum mbl.is eru leikararnir að vinna að verkefni um ferðalög en nánar verður greint frá í hverju verkefnið felst á MIPCOM-ráðstefnunni í október.

Phelps tvíburarnir fóru með hlutverk þeirra Fred og George Weasley í Harry Potter. Wright fór með hlutverk Ginny Weasley, yngri systur þeirra bræðra.